Ram pawna hnathawk tura Mizo thalai thawn chhuaktu, Mizo Manpower Supplier (MMS) in license a neih dan leh he agency kalhmang enfiah tura Labour & Employment officer pakhatin Aizawl P/S-a FIR a thehluh chungchangah, L&E Director, Pu P. Lalthlengliana chuan, he Agency, MMS hian rin ngam an ni ngei tih finfiahna tha tawk an neih theih mai loh avang leh tunlaiah ram pawna mi thawn chhuah chungchangah fimkhur a ngaih avangin police lam chu enfiahsak turin an ngen tih Zonet a hrilh a, MMS Proprietor, Helen Lalhmingsangi chuan an hnathawh danah thil dik lo a awm loh thu a sawi thung a ni. L&E Director chuan mi an tirh chhuah leh anmahni dawrtuten complain an neih avangin MMS hnenah hian an agency chungchang an zawtfiah tih a sawi a. MMS hian Central hnuaia phalna hmu an nih avangin Mizoram sawrkar hnuaia Labour & Employment Deptt. hnuaia mi an ni lo niin an hrilh tih a sawi.
L&E Director chuan, lehkha pawimawh leh certificate an dil chu MMS hian a pe thei lo nia sawiin, an license-in a phut angte an tih leh tih loh pawh an hre thei lo niin a sawi a, Labour thil a nih hrim hrim chuan an department nen a inkaihhnawihah an ngai niin a sawi bawk. MMS hian state pawna an mi thawn chhuahte chungah mawhphurhna an nei zui lo nia an sawi chungchangah, Recruiting Agency an nih chuan an mi thawn chhuah tawhte chungah hian mawhphurhna a nei turah an ngai tih pawh L&E Director chuan a sawi a, tunlaiin hnathawk tura mi tir chhuaktu nia insawi agency zingah belh chian dawl lo an tam tawh avangin hriat chiana en chian ve a ngai a, hnathawk tura state leh ram pawna chhuakte himna leh an ham thatna pawh an mawhphurhnaah an ngaih avangin enfiah turin police te an ngen a ni tih a sawi.
Heng bakah hian hnathawka thawn chhuah turte hnenah hian anmahni buaipui man duh ang angin MMS hian an tuk mai nia an hriat thu te, Malaysia-a an mi tirh chhuahte pawh Mizorama an hnathawh tur a sawi hmuh ang leh a hmun an thlen hnua an awm dan a inan loh thu te an sawi niin Labour & Employment Sirector hian a sawi bawk.
L&E hotute hian Certificate an hmuhna nia an sawi Ministry of Labour-ah thu an zawh fiah mek thu sawiin, vawiina internet atanga an enfiahnaah Mizoramah ram pawna hnathawk tur thawnchhuak theitu Ministry of Labour-a in register chu Orient International Linkage Inc. license no. ND 3/4/6636/2004 chauh hmuh a nih thu an sawi a. Hetianga hma an lakna chhan hi mimal inhuatna lam a nih loh thu leh, Mizo hnam humhalhna tura an ngaih vang a nih thu sawiin, ram pawna hna thawk tur thawn theitu an awm chuan an department tan chu an lawm hlei hlei zawk niin an sawi bawk. Hemi chungchangah hian MMS Proprietor Helen Lalhmingsangi chuan Zonet zawhna chhangin L&E hian an license an la dil lo niin a sawi a.
Kum 2003 khan Ministry of Labour atangin license no. A 0128/Mizoram ER/300/4¾/8026/2007 an hmu niin a sawi a. Ministry of Law, Justice & Company Affairs hnuaia The Immigration Act, 1983 dan hmanga license hi pek an nih hnuah tunah chuan Ministry of Overseas & Indian Affairs-ah transfer an ni tawh a ni nia sawiin, an agency hi Mizoramah mai ni lo, hmar chhak bialah a hmasa ber a nih avang leh, heti lamah hian mipuiten hriat an la ngah loh avangin heng harsatna hi an tawk nia a ngaih thu a sawi. Tuna buaina lo chhuahna bul chu Canada-a kal tur pakhat, L&E Director laina hnai pakhatin a duh leh loh avanga a lehkha pawimawhte lak let a tumnaah, anni lamin an lo process hman tawh avangin lak chhuah mai theih a nih loh thu an lo hrilh a, hemi hnu hian Director chuan mi dang hming hmangin anmahni lakah FIR a thehlut ta niin a sawi.
An mi thawn chhuah turte hi saptawng leh Hindi pawh thiam lo mahse, unskilled labour tur an nih avangin harsatna a awm chuan loh thu leh, saptawng phei chu an kal hmain an zirtir thin thu a sawi a. Tunah hian Dubai-a kal tur mi 12 chu saptawng hi an zirtir mek nghe nghe niin a sawi. An mi thawn chhuahte chunga mawhphurhna nei zui lo anga an insawi chungchang sawifiahin, agency hnathawh tur chu candidate te lo buaipui a, an mamawh - visa/emmigration clearance lo buaipui a ni a, a dang an chhiat an that chu anmahni lo chhawrtute mawhphurhna a ni a ti a. Malaysia-a an mi thawnte lo haw leh chungchangah, an hnathawhna tur hi Oil Palm plantation a nih avangin a hrehawm theih dan tur te hrilh lawk an ni a, an thawh theih inringin an kal a, thla 6 chiah an awm a, an awm chhungin hrehawm an tihzia an rawn sawi thin a, hemi hnu hian an tlan chhuak ta niin a sawi a, he mite chanchin leh an awmna hi kum khat chhung an hre zui lo tih sawiin, an lo haw hnuah a tir chhuaktute sawiselna lam an rawn sawi chhuak ta niin a sawi bawk.
MMS proprietor Helen Lalhmingsangi chuan tuna beihna an tawh mek chung changah hian insawifiah chuk chuk tul a tih loh thu a sawi a, Chanchinmbu tam taka dik lo tak taka an puhna te, anmahni zawt fiah hmasa lo a an chhuah mai thin chu mak a tih thu a sawi bawk. Vawiina Zonet-in a kawm hian MMS hotunu hian a chhang lai hmel tihlan tul a tih hrih lo a, an hotu remtih hunah thuthar lakhawmtute kawm a la tum thu erawh chu a sawi a ni.
Comments posted onhttp://zawlbuk.net/index.php?module=Pagesetter&func=viewpub&tid=1&pid=717
Madini Subject: he agency hi khar hmak tlak a ni posted: Feb 09, 2008
registered: May 06, 2007
khar hmak tlak a ni tih ka sawi ngam na chhan chu kan thiannu ka ti tawh mai anga kan buaipui nasat em a vangin,a hming chu ka sawi lo mai anga nikum jan thla khan kan unaupa pakhat manipur zin haw in jordan airport ah a rawn chhar nawlh mai a ti chuan Tel Aviv Ben Gurian airport thlengin an rawn in chhawm chho zel a ti chuan a awmna tur ni a hriat helam agen te chuan an hruai ta a mahse a kal hma a an lo sawi ang kha a ni reng reng si lo a hmun tawp em em ah mutna tha pawh awm mu mal loh na hmun ah an lo dah a ti chuan a mang ang lutuk a in tih hlum hial pawh duh khawp in a lo awm hman a, kan unaupa number chu a lo nei hlauh a ti chuan kan unaupa te chuan an va hruai chhuak ta tawp a(tun a hmun tawp tak ka rawn sawi hi Arab ho hmun ani)ti chuan kan in ah an rawn hruai lut ta tawp mai a tunge a nih pawh kan hre chuang lo chu nula khawngaih thlak tak chu ti chuan kan in a riak turin kan lo sawm ta a tumah chhungte belh tur nei lo a ni bawk si a,ti chuan a tuk mai ah chuan an rawn phone leh a ti chuan a hna thawhna tur an tih ah chuan kal turin an rawn sawm a a va kal ta a Arab pitar awmpui tur a tih a lo ni a agena atang a an lo pek a ni bawk si a ti chuan he nula hian eng ti tur tak a lo kal nge a nih a hre reng reng lo a,hun a lo kal zel a kan nau pakhatin a chhui chhuah sak ta a Arab ho zing a nawhchi zuar tur a tirh a lo ni reng mai, thil harsa tak tak a pal tlang a zawng a za in ka sawi vek lo mai ang tun ah chuan mahse tun ah chuan Israel state chhung ah thlamuang takin a awm ve tawh a a lawmawm khawp mai mahse hetiang thil hi ka awmna ram ah hi chuan rawn thawn reng reng tawh lo se ka duh mai bak ah ka ngen ngawih ngawih a ni,hmasawnna lam zawng a tirh an nih te chuan chu chu thil dang a nia mahse unskilled llabour tur ang hi chuan a khir khan lam a ni, mahni in hai veng deuh lo chu ram dang ah hian in tirh mai mai chi a ni lo, tawk hrih mai teh se a la tam lutuk sawi tur.
Chhandama posted: Feb 09, 2008
registered: Apr 10, 2007
Mahni ramah hna a awm lo tih hi thudik a ni a. Chutianga hna a awm loh avang tak chuan a hmei apain ramdangah hna thawh kan tum ta a. Kan tumna a ropui a. Mi tam takin an thawk mek bawk. Chutih rual chuan ram dangah kher lo mahni ramah thawh tur hi a awm hlawl lo em ni tih hi ngaihtuahna min neih tir fo thin a.
Mipa hi chu khawiah pawh kalin hna va thawk ila a pawi reng reng lo. Hmeichhia hi chu Doctor, nurse, engineer, manager, etc. an nih loh chuan mi ina awm tur tea ram danga an kal hi chu an ngaihtuah awm deuh a ni tih hi ka sawi duh a. An thawh tur hriatsa awm mang lo va, hmeichhia ram danga an kal ringawt hi chu an ngaihtuahawm lehzual a nia. An hmabak chu a tam berah chuan mahni inzawrh a ni tawh mai. Amaherawhchu, an duh vang renga inzuar ta mai a nih chuan sawi phak phei zawng kan nei lo mai thei e. Mi ina an awm pawh hi tam tak hi chuan sex abuse pawh an tawk ngei dawn a ni. Chutiang thil an va tawn chu nge tha a, mahni ram, khuaah, hna thawh theih ang leh a awm ang ang thawh? Hmeichhe tan ram danga an kal ringawt hi a risky deuh.
clliana Subject: MMS - Mizo hmeichhie hruai khawlo tu anni thei angem? posted: Feb 10, 2008
registered: Sep 24, 2007
Nikum pawh khan Saiha nula pakhat Malaysia a an thawn chu natna mak deuh veiin alo ho a,June thla Khan Aizawl civil hospital ah a thi...
Cicily.Chhuantei posted: Feb 10, 2008
registered: Dec 31, 2007
Heleni te tih tho ah khian kan khua ami mipa pakhat chu Singapore ah khan akal ve a,Loan te la in(akal man ah)November thla ah Mizoram an chhuah san a Delhi vel ah an tangkhang a,January ah an kal chauh a,an hna sawi ang kha alo ni lo a,ramhnuai ah tui poh awm mang loh na ah,riahna hmun thra poh awm lo in kan awm reng a atia ahnu ah beidawng in a rawn haw leh tawp.
Rampawn a in thawn chhuah dawn hian mahni lu zo tak te anih loh chuan chin tam chi ani in ka hre lo.
A thawn tu te hian an hlawk na ringawt an um in ka hria,an thawn hnem leh an hlawk na ani mai si a.
sangmama posted: Feb 11, 2008
registered: Nov 10, 2005
Location: New Delhi
Kan thil hriatte hi a dik ngei ang a.. an victim te hian chiang taka court / sawrkar thuneitu te an hrilh hriat / khin a van tha awm em? Nakin zel atan hetiang an ti takzet anih chuan hnam anga thil pawi tak a ni tlat.
Observer posted: Feb 11, 2008
registered: Oct 08, 2006
A dik tak tak anih chuan sorkar tan pawh phalna pawhsei sakloh ni mai lovin tuten emaw FIR Fist Information Report) Police Station ah thehluh tur anih chu maw aw ! Thudang alai chuan he subject hi Central sorkar buaipi chi ani lo maw ? A pawi hlawm ani e. Lehlamah erawh chuan meng leh meng inbum te pawh an ang rum rum.
Cicily.Chhuantei posted: Feb 11, 2008
registered: Dec 31, 2007
Ka sawi khi Nov-04 in an chhuak a Jan-05 ah Delhi an chhuah san a,2005 kum tawp ah arawn kir leh.Chumi tum chuan kei poh kal ve ka tum a,mahse ka nu in a phal loh avang khan ka ti luih ngam ta lo a, hei ka ti fuh ta zawk anih hmel(ka kal ta lo kha).
Lalrinawma Subject: Fimkhur ngai posted: Feb 12, 2008
registered: Nov 10, 2005
Hetiang thil chungchanga Mizote fimkhur kan tulzia thu hi article Chhinlung Magazine (Bangalore Mizo Association )a chhuah tur December thla khan ka pe tawh a. He Chhinlung magazine hi February 17 hian an release dawn a. Zau zawka miten an chhiar ka duh khawp mai. Mizote hi bum kan nuam (gullible) lulai hlawm khawp a, a pawi a ni.
Lalrinawma posted: Feb 12, 2008
registered: Nov 10, 2005
Tih dikna: Mizote kan fimkhur a tulzia thu.... tiin min chhiar sak teh u. (Kan back-end editing tools hian correction siamna a pe tel lo tlat )
L&E Director chuan, lehkha pawimawh leh certificate an dil chu MMS hian a pe thei lo nia sawiin, an license-in a phut angte an tih leh tih loh pawh an hre thei lo niin a sawi a, Labour thil a nih hrim hrim chuan an department nen a inkaihhnawihah an ngai niin a sawi bawk. MMS hian state pawna an mi thawn chhuahte chungah mawhphurhna an nei zui lo nia an sawi chungchangah, Recruiting Agency an nih chuan an mi thawn chhuah tawhte chungah hian mawhphurhna a nei turah an ngai tih pawh L&E Director chuan a sawi a, tunlaiin hnathawk tura mi tir chhuaktu nia insawi agency zingah belh chian dawl lo an tam tawh avangin hriat chiana en chian ve a ngai a, hnathawk tura state leh ram pawna chhuakte himna leh an ham thatna pawh an mawhphurhnaah an ngaih avangin enfiah turin police te an ngen a ni tih a sawi.
Heng bakah hian hnathawka thawn chhuah turte hnenah hian anmahni buaipui man duh ang angin MMS hian an tuk mai nia an hriat thu te, Malaysia-a an mi tirh chhuahte pawh Mizorama an hnathawh tur a sawi hmuh ang leh a hmun an thlen hnua an awm dan a inan loh thu te an sawi niin Labour & Employment Sirector hian a sawi bawk.
L&E hotute hian Certificate an hmuhna nia an sawi Ministry of Labour-ah thu an zawh fiah mek thu sawiin, vawiina internet atanga an enfiahnaah Mizoramah ram pawna hnathawk tur thawnchhuak theitu Ministry of Labour-a in register chu Orient International Linkage Inc. license no. ND 3/4/6636/2004 chauh hmuh a nih thu an sawi a. Hetianga hma an lakna chhan hi mimal inhuatna lam a nih loh thu leh, Mizo hnam humhalhna tura an ngaih vang a nih thu sawiin, ram pawna hna thawk tur thawn theitu an awm chuan an department tan chu an lawm hlei hlei zawk niin an sawi bawk. Hemi chungchangah hian MMS Proprietor Helen Lalhmingsangi chuan Zonet zawhna chhangin L&E hian an license an la dil lo niin a sawi a.
Kum 2003 khan Ministry of Labour atangin license no. A 0128/Mizoram ER/300/4¾/8026/2007 an hmu niin a sawi a. Ministry of Law, Justice & Company Affairs hnuaia The Immigration Act, 1983 dan hmanga license hi pek an nih hnuah tunah chuan Ministry of Overseas & Indian Affairs-ah transfer an ni tawh a ni nia sawiin, an agency hi Mizoramah mai ni lo, hmar chhak bialah a hmasa ber a nih avang leh, heti lamah hian mipuiten hriat an la ngah loh avangin heng harsatna hi an tawk nia a ngaih thu a sawi. Tuna buaina lo chhuahna bul chu Canada-a kal tur pakhat, L&E Director laina hnai pakhatin a duh leh loh avanga a lehkha pawimawhte lak let a tumnaah, anni lamin an lo process hman tawh avangin lak chhuah mai theih a nih loh thu an lo hrilh a, hemi hnu hian Director chuan mi dang hming hmangin anmahni lakah FIR a thehlut ta niin a sawi.
An mi thawn chhuah turte hi saptawng leh Hindi pawh thiam lo mahse, unskilled labour tur an nih avangin harsatna a awm chuan loh thu leh, saptawng phei chu an kal hmain an zirtir thin thu a sawi a. Tunah hian Dubai-a kal tur mi 12 chu saptawng hi an zirtir mek nghe nghe niin a sawi. An mi thawn chhuahte chunga mawhphurhna nei zui lo anga an insawi chungchang sawifiahin, agency hnathawh tur chu candidate te lo buaipui a, an mamawh - visa/emmigration clearance lo buaipui a ni a, a dang an chhiat an that chu anmahni lo chhawrtute mawhphurhna a ni a ti a. Malaysia-a an mi thawnte lo haw leh chungchangah, an hnathawhna tur hi Oil Palm plantation a nih avangin a hrehawm theih dan tur te hrilh lawk an ni a, an thawh theih inringin an kal a, thla 6 chiah an awm a, an awm chhungin hrehawm an tihzia an rawn sawi thin a, hemi hnu hian an tlan chhuak ta niin a sawi a, he mite chanchin leh an awmna hi kum khat chhung an hre zui lo tih sawiin, an lo haw hnuah a tir chhuaktute sawiselna lam an rawn sawi chhuak ta niin a sawi bawk.
MMS proprietor Helen Lalhmingsangi chuan tuna beihna an tawh mek chung changah hian insawifiah chuk chuk tul a tih loh thu a sawi a, Chanchinmbu tam taka dik lo tak taka an puhna te, anmahni zawt fiah hmasa lo a an chhuah mai thin chu mak a tih thu a sawi bawk. Vawiina Zonet-in a kawm hian MMS hotunu hian a chhang lai hmel tihlan tul a tih hrih lo a, an hotu remtih hunah thuthar lakhawmtute kawm a la tum thu erawh chu a sawi a ni.
Comments posted onhttp://zawlbuk.net/index.php?module=Pagesetter&func=viewpub&tid=1&pid=717
Madini Subject: he agency hi khar hmak tlak a ni posted: Feb 09, 2008
registered: May 06, 2007
khar hmak tlak a ni tih ka sawi ngam na chhan chu kan thiannu ka ti tawh mai anga kan buaipui nasat em a vangin,a hming chu ka sawi lo mai anga nikum jan thla khan kan unaupa pakhat manipur zin haw in jordan airport ah a rawn chhar nawlh mai a ti chuan Tel Aviv Ben Gurian airport thlengin an rawn in chhawm chho zel a ti chuan a awmna tur ni a hriat helam agen te chuan an hruai ta a mahse a kal hma a an lo sawi ang kha a ni reng reng si lo a hmun tawp em em ah mutna tha pawh awm mu mal loh na hmun ah an lo dah a ti chuan a mang ang lutuk a in tih hlum hial pawh duh khawp in a lo awm hman a, kan unaupa number chu a lo nei hlauh a ti chuan kan unaupa te chuan an va hruai chhuak ta tawp a(tun a hmun tawp tak ka rawn sawi hi Arab ho hmun ani)ti chuan kan in ah an rawn hruai lut ta tawp mai a tunge a nih pawh kan hre chuang lo chu nula khawngaih thlak tak chu ti chuan kan in a riak turin kan lo sawm ta a tumah chhungte belh tur nei lo a ni bawk si a,ti chuan a tuk mai ah chuan an rawn phone leh a ti chuan a hna thawhna tur an tih ah chuan kal turin an rawn sawm a a va kal ta a Arab pitar awmpui tur a tih a lo ni a agena atang a an lo pek a ni bawk si a ti chuan he nula hian eng ti tur tak a lo kal nge a nih a hre reng reng lo a,hun a lo kal zel a kan nau pakhatin a chhui chhuah sak ta a Arab ho zing a nawhchi zuar tur a tirh a lo ni reng mai, thil harsa tak tak a pal tlang a zawng a za in ka sawi vek lo mai ang tun ah chuan mahse tun ah chuan Israel state chhung ah thlamuang takin a awm ve tawh a a lawmawm khawp mai mahse hetiang thil hi ka awmna ram ah hi chuan rawn thawn reng reng tawh lo se ka duh mai bak ah ka ngen ngawih ngawih a ni,hmasawnna lam zawng a tirh an nih te chuan chu chu thil dang a nia mahse unskilled llabour tur ang hi chuan a khir khan lam a ni, mahni in hai veng deuh lo chu ram dang ah hian in tirh mai mai chi a ni lo, tawk hrih mai teh se a la tam lutuk sawi tur.
Chhandama posted: Feb 09, 2008
registered: Apr 10, 2007
Mahni ramah hna a awm lo tih hi thudik a ni a. Chutianga hna a awm loh avang tak chuan a hmei apain ramdangah hna thawh kan tum ta a. Kan tumna a ropui a. Mi tam takin an thawk mek bawk. Chutih rual chuan ram dangah kher lo mahni ramah thawh tur hi a awm hlawl lo em ni tih hi ngaihtuahna min neih tir fo thin a.
Mipa hi chu khawiah pawh kalin hna va thawk ila a pawi reng reng lo. Hmeichhia hi chu Doctor, nurse, engineer, manager, etc. an nih loh chuan mi ina awm tur tea ram danga an kal hi chu an ngaihtuah awm deuh a ni tih hi ka sawi duh a. An thawh tur hriatsa awm mang lo va, hmeichhia ram danga an kal ringawt hi chu an ngaihtuahawm lehzual a nia. An hmabak chu a tam berah chuan mahni inzawrh a ni tawh mai. Amaherawhchu, an duh vang renga inzuar ta mai a nih chuan sawi phak phei zawng kan nei lo mai thei e. Mi ina an awm pawh hi tam tak hi chuan sex abuse pawh an tawk ngei dawn a ni. Chutiang thil an va tawn chu nge tha a, mahni ram, khuaah, hna thawh theih ang leh a awm ang ang thawh? Hmeichhe tan ram danga an kal ringawt hi a risky deuh.
clliana Subject: MMS - Mizo hmeichhie hruai khawlo tu anni thei angem? posted: Feb 10, 2008
registered: Sep 24, 2007
Nikum pawh khan Saiha nula pakhat Malaysia a an thawn chu natna mak deuh veiin alo ho a,June thla Khan Aizawl civil hospital ah a thi...
Cicily.Chhuantei posted: Feb 10, 2008
registered: Dec 31, 2007
Heleni te tih tho ah khian kan khua ami mipa pakhat chu Singapore ah khan akal ve a,Loan te la in(akal man ah)November thla ah Mizoram an chhuah san a Delhi vel ah an tangkhang a,January ah an kal chauh a,an hna sawi ang kha alo ni lo a,ramhnuai ah tui poh awm mang loh na ah,riahna hmun thra poh awm lo in kan awm reng a atia ahnu ah beidawng in a rawn haw leh tawp.
Rampawn a in thawn chhuah dawn hian mahni lu zo tak te anih loh chuan chin tam chi ani in ka hre lo.
A thawn tu te hian an hlawk na ringawt an um in ka hria,an thawn hnem leh an hlawk na ani mai si a.
sangmama posted: Feb 11, 2008
registered: Nov 10, 2005
Location: New Delhi
Kan thil hriatte hi a dik ngei ang a.. an victim te hian chiang taka court / sawrkar thuneitu te an hrilh hriat / khin a van tha awm em? Nakin zel atan hetiang an ti takzet anih chuan hnam anga thil pawi tak a ni tlat.
Observer posted: Feb 11, 2008
registered: Oct 08, 2006
A dik tak tak anih chuan sorkar tan pawh phalna pawhsei sakloh ni mai lovin tuten emaw FIR Fist Information Report) Police Station ah thehluh tur anih chu maw aw ! Thudang alai chuan he subject hi Central sorkar buaipi chi ani lo maw ? A pawi hlawm ani e. Lehlamah erawh chuan meng leh meng inbum te pawh an ang rum rum.
Cicily.Chhuantei posted: Feb 11, 2008
registered: Dec 31, 2007
Ka sawi khi Nov-04 in an chhuak a Jan-05 ah Delhi an chhuah san a,2005 kum tawp ah arawn kir leh.Chumi tum chuan kei poh kal ve ka tum a,mahse ka nu in a phal loh avang khan ka ti luih ngam ta lo a, hei ka ti fuh ta zawk anih hmel(ka kal ta lo kha).
Lalrinawma Subject: Fimkhur ngai posted: Feb 12, 2008
registered: Nov 10, 2005
Hetiang thil chungchanga Mizote fimkhur kan tulzia thu hi article Chhinlung Magazine (Bangalore Mizo Association )a chhuah tur December thla khan ka pe tawh a. He Chhinlung magazine hi February 17 hian an release dawn a. Zau zawka miten an chhiar ka duh khawp mai. Mizote hi bum kan nuam (gullible) lulai hlawm khawp a, a pawi a ni.
Lalrinawma posted: Feb 12, 2008
registered: Nov 10, 2005
Tih dikna: Mizote kan fimkhur a tulzia thu.... tiin min chhiar sak teh u. (Kan back-end editing tools hian correction siamna a pe tel lo tlat )
0 Comments:
Post a Comment